F. BARRIE de la Cloucado Marcabrun

Refrain E bibo bibo bibo la binho Lou chuc que fascout arunan E bibo bibo bibo l'ensinho De soun bin rouge e soun bin blanc. Premier couplet Boli canta la cambo torto, Lou chuc que fascout arunan; Amics cadun me fasque escorto, Un beire de bin a la man. Ma torto las ensolelhadas Ensucrant toun razin cruchen A forobandit las binadas De noste tuc Auvillarenc. Deuxieme couplet Tu l'as famus aquesto annado; Anan d'un repic, s'a Diu plai, Engouli d'uno fourlapado De toun claret un brabe escai. Aqui la milhouno tizano, Que pod relelhs lou malau, Quant aganit la set l'escano, Que s'enganite un plen uchau. Troisieme couplet Tout fresque tirat de barrico E que vous chimico pes pots Mei subre tout sans fourlabico Qu'es fin lou nectar des biels cots. E qui dio rusco tousudo, Touto bistorto de nouzets, As echermens garrabeludo, Fasques tant cranes bins noubets. Quatrieme couplet E bibo tu bielho tourtaso, Toun chuc, nous gandis dou malcor, Dins noste sanc quito la trasa D'un sanirous diuzenc trezor. E coumo uno santo relico, Nous debalo pou ganitet; Ah! qu'es goustous a la repico, E que sap boun dins lou budet. Cinquieme couplet Abaletz ma cambo garrelo Tu fas canta lous ganitets, Balhes da gauch a la cerbelo, Au mourre des bragards cadets. Anen! encaro no trincado! A vosto santat mous amics! A la boutelho descoufado! Fazem l'aunou de tres repics. Sixieme couplet Aprep cantan la cambo torto, E tente torto, tente plan, Cridan sul pas de nosto porto: Bibo lo bin blous dou payzan! E tu Noe Sant venerable Se nous bezes un jour bandats, Aquet pecat es pardounable Es que l'alcol nous a trounpats. retour accueil Occitanie