VISTALHATZ LO VILATGE

UN EXEMPLE D'UN PATRIMÒNI RIC E ORIGINAL

LOS AUVILLARENCS

Los aoubilarencs son de monde fòrça dinamic. An creat mai de quintze associacions, que la tòca de caduna es de defendre o promòure una activitat o un passa-temps particular.
Per obténer la lista completa de las associacions, d'informacions a prepaus de lors activitat, e lor adrèça, podètz contactar: siá lo Sindicat d'Initiaciva. Adrèça: Sindicat d'Initiaciva, Comuna d'Auvilar, Plaça del Mercat (place de la Halle) - 82340 Auvilar. Tel. 05.63 39 57 33.
siá l'Intersocietat Auvilarenca. Adrèça: Intersocietat Auvilarenca (Intersociété Auvillaraise), Lo Senat 82340 Auvilar. Tel. 05.63.29.20.06.
Ça que la, la reputacion de tres organismes establits dins lo canton d'Auvilar va plan mai luènh que l'encastre local. A aquel tìtol, meritan d'èsser presentats aicì: Los Amics d'Aoubila vièlh.
Las activitats culturalas e artisticas qu'aicesta associacion s'atema de promòure son nombrosas, variadas e remirables. Serètz suspres s'anatz véser la pagina intitolada AUVILL'ART.

Aqueste grop, composat unicament d'amators, s'atema de servar las tradicions folkloricas (dansas, cansons, musica...) de la region atal coma la lenga e la cultura occitanas; las faguèt conéisser als quatre cantons de França e del monde. Atal, n&ogravestres dansaires an ja fait de viradas en Irlanda e al Canada; en 1995, son anats dins l'estat de Colorado, U.S.A., que las lors representacions i foguèron particulierament presadas.

Fotò presa, en 1995, pendent una representacion a l'Universitat de Denver, Colorado, U.S.A.
Adrèça: Los Dansaires del Brulhés,
Cava Cooperativa del Canton d'Auvilar.
82 340 DONZAC.
FRANCE>

Los tucs de las Còstas de Brulhés.

Quand serètz dins la region, subretot, desbrembètz pas de far la coneissença d'aquel vin "VDQS". O regretarètz pas.

Profitatz-ne per vistalhar la Cava tanben!
Còstas de Brulhés, Cava de Donzac, 82 340 Donzac. France .
Tel. 05.63 39 91 92.

LO PASSAT
UN PASSAT PLAN VIELH

De tot temps, Aoubila foguèt pels artistas, un endreit privilegiat. Caldriá fòrça plaça per presentar lo passat artistic plan ric d'aquel vilatjòt tan discrèt. Nombrosas son las arts qu'espeliguèron, de contunh, dins aquel encastre exceptional.

Atal al sègle XII nasquèt e visquèt al Vilar lo poèta e musician Marcabrun. La màger part dels trobadors famoses d'aquela epòca èran nòbles senhors; Marcabrun, el, era un òme del pòble, filh de Marcabruna, una paura femna.
Çaquelà, nombroses son los que presèron lo seu biais d'escriure e qu' ensagèron de far coma el en literature: cal dire qu'èra lo capmèstre del "trobar clus".
E la tradicion de l'escritura s'es plan servada a Aoubila. Atal, del temps del Felibritge, i avià tot un ramat de poètas qu'escriguèron en òc coma Verdiè, Bressòlas...e aquel faure que disisà al seu legeire: Te vòli balhar 
" lo pauc d'aur qu'ai dins la pensada" (Eli Pimpatèrra 1872-1945)
Dusca al començament del sègle XX, L'Escòla Marcabrun participarà a la vida intellectuala occitana.

UN PASSAT RECENT

Dins un autre domèni, las terralhas (faiença) d'Aoubila èran encara al sègle passat de crea cions qu'agradava al monde e tanben una tradicion plan establida.
Lo Musèu de las Arts e Tradicions popularas del vilatge ten una remirabla collecion de terralhas (faiença) d'Aoubila dels sègles XVIII e XIX.

LO PRESENT

Pels artistas que cèrcan de sorgas nòva d'inspiracion, Aoubila es totjorn un lòc atractiu. Atal los pintres venon sovent se rescondre per qualque temps, dins aquel encastre plan suau ont banhan dins la tranquilitat e la serenitat.
Vezètz coma d'unes an expleitat tot ço que i a d'inaglotablament agradiu.
UN OSTAL PELS ARTISTAS
L'hospitalitat auvilaresa es plan coneguda. Achulhisson amb calor los torista que passan. Balhan de contunh un endreit de repaus a gratis als romieus (Pelegrinatge de Sant Jacme de Compostèla) 
Mas als artistas que venon de còps que i a de plan luènh lor balhan una atencion plan especiala. Dempuèi d'annadas, un Ostal lor es prestat pendent lo temps que passan dins nòstra ciutat. E dins aquel polit Ostal al Pòrt, pròche de la Garona, dèmoran segon la sason artistas franceses, cantaires e musicaires alemands, musiciares e pintres americans...
Vistalhatz LO PORT

VÈNI PINTRAR LO MEU VILATGE

Aquí lo nom de la manifestacion artistica màger que se debana cada an pendent la segonda quinzenada de julhet. Aquel programa establit fa qualques annadas espelís e ven un vertadièr festanal internacianal de pintura.
Es tanben un concors de pintura amb prèmis plan atractius.
Un prumièr prèmi.

ESCAMBIS CULTURALS E ARTISTICS.

Cada an, Aoubila organisa d'escambis culturals e artistics pas solament anb d'autras regions francesas, mas tanben amb de païses estrangièrs e sobretot l'Alemanha e los Estats-Units (Colorado)
Un programa excepcional foghèt mes en plaça pel prumièr còp en 1994, entre lo vilayge e lo Colorado (AUVILL'ART)
Manquetz pas de seguir AUVILL'ART2000

Per ne saber mai, contactar lo Syndicat d'Iniciativa Comuna d'Aoubila, Plàca del Mercadal 
82340 Aoubila TEL. 05.63.39.57.33

Donatz-nos las vòstras impressions e fasètz-nos de suggestions.
Per nos escriure, clicatz AICÌ.

Per ne saber mai sus l'Occitania, clicatz aquì